...

Naxçıvan MR-də prezidentliyə namizədlərlə keçiriləcək görüş yerləri müəyyənləşdirilib

Siyasət Materials 11 Sentyabr 2008 14:40 (UTC +04:00)

Azərbaycan, Naxçıvan, 11 sentyabr / Trend , müxbir E.Məmmədov/ Azərbaycanın Naxçıvan Muxtar Respublikasında (MR) prezident seçkilərində namizədlərlə görüşlərin yerləri müəyyənləşib. Naxçıvan MR Mərkəzi Seçki Komissiyasından (MSK) Trend -a verilən məlumata görə, prezidentliyə namizədlərlə keçiriləcək görüş yerləri aşağıdakılardır:

1 saylı Şərur-Sədərək və 2 saylı Şərur Seçki dairələri - Şərur Şəhər Mərkəzi stadionu

3 saylı Babək-Kəngərli Seçki Dairəsi - Babək qəsəbə orta məktəbinin qarşısındakı park

4 saylı Naxçıvan Şəhər Seçki Dairəsi - İbrahimxəlil Axundlu adına Muxtar Respublika stadionu

5 saylı Şahbuz-Babək Seçki Dairəsi - Şahbuz Şəhər Mərkəzi stadionu

6 saylı Culfa-Babək Seçki Dairəsi - Culfa Rayon Mədəniyyət Evinin həyəti

7 saylı Ordubad-Culfa Seçki Dairəsi - Ordubad şəhərinin girəcəyindəki gənclik parkı

Trend -un arayışı: Azərbaycanda prezident seçkisi oktyabrın 15-də keçiriləcək. Seçki gününə 28 gün qalmış prezidentliyə namizədlərin təbliğat-təşviqat kampaniyasına start veriləcək.

Azərbaycanın Mərkəzi Seçki Komissiyası Yeni Azərbaycan Partiyasının namizədi İlham Əliyev, Ümid Partiyasının sədri İqbal Ağazadə, Müasir Müsavat Partiyasının sədri Hafiz Hacıyev və Böyük Quruluş Partiyasının sədri Fazil Qəzənfəroğlunun namizədliklərini rəsmən təsdiqləyib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti