Azərbaycan, Bakı, 07 oktyabr / Trend , müxbir/ Prezident İlham Əliyev çərşənbə axşamıBiləsuvar AQRO MMC-nin süd zavodu ilə tanış olub. Prezident İlham Əliyev südün qəbulu sexində zavodun işə düşməsini bildirən düyməni basıb, müəssisənin istehsal sahələri ilə tanış olub.
İnşasına 2007-ci ildə
başlanmış zavodda bu ilin sentyabrında tikinti - quraşdırma
işləri tamamlanıb. Zavodda Almaniya, Polşa,
Türkiyə, ABŞ və digər ölkələrdən
alınmış avadanlıq quraşdırılıb.
İstehsal prosesi üçün lazım
olan su süni göldən götürülür və
ABŞ-dan gətirilmiş mükəmməl qurğuda
təmizlənir.
Regionda analoqu olmayan bu müəssisənin
işə düşməsi ilə daxili tələbat tam
ödəniləcək, eyni zamanda, Azərbaycan quru süd
kimi mühüm məhsul ixrac edən ölkəyə
çevriləcək. Artıq Gürcüstan və bir
sıra digər ölkələrdən sifarişlər
alınıb. Zavodda süddən 72 və 82 faizlik kərə
yağı alınır, qalan kütlədən mükəmməl
texnologiya əsasında yağsız və 25 faiz
yağlılığı olan quru süd istehsal edilir.
Hazırda zavodda bir növbədə 70 nəfər
çalışır. Tədricən onların sayı
artacaq və üç növbədə
işləyəcəklər. İlk vaxtlar Biləsuvardan
və ətraf rayonlardan əhalidən 50 - 60 ton südün
qəbul edilməsi nəzərdə tutulub.
Zavod heyvandarlığın və əkinçiliyin inkişafına da müsbət təsir göstərəcək. Bunun hesabına 500 nəfərin işlə təmin ediləcəyi gözlənilir. Müəssisənin rəhbərliyi Hollandiyadan 500 - dək xüsusi cins inək gətirməyi də planlaşdırır.
Məqalə
müəllifi ilə əlaqə ünvanı: [email protected]