...

DİN Azərbaycan polisinin üç əməkdaşının həbsi ilə bağlı məsələyə aydınlıq gətirib

Siyasət Materials 14 Oktyabr 2008 13:19

Trend-i buradan izləyin

Azərbaycan, Bakı, 14 oktyabr / Trend , müxbir K.Zərbalıyeva/ Azərbaycan polis orqanlarının üç nəfər əməkdaşının qanunsuz olaraq narkotik maddə saxlamasına görə həbs olunması barədə yayılan məlumata Daxili İşlər Nazirliyi aydınlıq gətirib.

DİN-in mətbuat xidmətinin rəhbəri Sadiq Gözəlov çərşənbə axşamı Trend -a bildirib ki, Nizami rayon Polis İdarəsinin Narkomaniya və narkobiznesə qarşı mübarizə şöbəsinin baş əməliyyat müvəkklili Aydın Zalov vətəndaşların şikayətləri əsasında sentyabrın ortalarında həbs olunub.

Vətəndaşların şikayətləri əsasında saxlanılan Zalovun xidməti otağından 16 qram heroin aşkarlanıb.

Həmin şöbənin rəisi Zülfüqar Məmmədov isə bu hadisədən sonra aşağı vəzifəyə keçirilib.

Gözəlov deyib ki, Nizami RPİ-nin adını dəqiqləşdirmək mümkün olmayan digər əməkldaşının həbsi barədə məlumat hıqiqətə uyğun deyil.

Mətbuat xidmətinin rəhbərinin sözlərinə görə, Zalov faktla bağlı daxili işlər orqanlarından çıxarılıb və barəsində prokurorluqda cinayət işi açılıb, istintaq aparılır.

Müəlliflə əlaqə saxlamaq üçün elektron ünvan- [email protected]

Xəbər lenti

Xəbər lenti