Azərbaycan, Bakı, 15 oktyabr/ Trend , müxbir R.Ağayev/ Azərbaycanın Mərkəzi Seçki Komissiyası prezident seçkisində seçicilərin 65 -70 % -nin iştirak edəcəyinə ümid edir.
"Seçkilərdə seçicilərin 65 -70 % - i iştirak etsə, biz razı qalacağıq, belə ki, bu çox böyük rəqəmdir", - çərşənbə günü jurnalistlərə MSK - nın sədri Məzahir Pənahov deyib.
Saat 10:30 - a seçicilərin iştirakı 13 - 14% faiz təşkil edib, - MSK - nın mətbuat xidməti məlumat verib.
Bu gün Azərbaycanda prezident seçkiləri keçirilir. Prezident seçkisində yeddi namizəd - Yeni Azərbaycan Partiyasının (YAP) sədri, indiki dövlət rəhbəri İlham Əliyev, müxalif Ümid Pariyasının sədri İqbal Ağazadə, Böyük Quruluş Partiyasının sədri Fazil Qəzənfəroğlu , Bütöv Azərbaycan Xalq Cəbhəsi Partiyasının sədri Qüdrət Həsənquliyev, Müasir Müsavat Partiyasının sədri Hafiz Hacıyev, Azərbaycan Liberal Demokrat Partiyasının sədri Fuad Əliyev və müstəqil namizəd Qulamhüseyn Əlibəyli iştirak edir.