İran, Tehran, 10 noyabr / Trend , müxbir A.Namdari/ İran Parlamentinin nümayəndəsi Musərrza Sərvəti, ölkənin 60 iqtisadçısının prezident Mahmud Əhmədinejada növbəti açıq məktub ünvanlayaraq, hökumətin iqtisadi siyasətinə etirazını tənqid edib.
Noyabrın 8 - də İranın 60 iqtisadçısı prezident Mahmud Əhmədinejada növbəti açıq məktub ünvanlayıb. Onlar hökumətin iqtisadi siyasətini tənqid edərək, bu siyasətin davam etdirilməsinin pis nəticələnəcəyi haqda xəbərdarlıq ediblər.
"İqdisatçıların prezidentə ünvanladığı tənqidlərin əksəriyyəti əsassızdır", - deyə İran parlamenti iqtisadi komissiyasının üzvi Musərrza Sərvəti bazar ertəsi Trend - a müsahibəsində bildirib.
Sərvəti əlavə edib ki, iqtisadçılardan bəzisinin iş təcrübəsi yoxdur. Onlar universitetdəki nəzəriyyələrini ölkədə tətbiq etmək istəyirlər. Bu o qədər də məntiqli deyil.
Sərvəti Əhmədinejadın İslam iqtisadiyyatının dünyaya geniş yayılması ideyasını dəstəkləyərək bildirib ki,
"İslam dininin prinsiplərinə əsaslanan iqtisadi model dünyaya nümunə ola bilər".
İqtisadçılar Əhmədinejada məktubda ölkə iqtisadiyyatında inkişafın zəif olmasını, işsizliyin, inflyasiyanın artmasını, pul bazarında böhranı, büdcə çatışmazlığını, digər ölkələrlə münasibətlərdə problemlərin mövcudluğunu hökumətin səhv iqtisadi siyasətinin nəticəsi olduğunu bildiriblər.
Bundan əvvəl İran iqtisadçıları Əhmədinejada iki məktub göndərərək, hökumətin iqtisadi siyasətinin bəzi məqamlarını tənqid ediblər.
İqtisadçıların İran prezidentinə əvvəlki məktubu 2007 - ci ilin iyununda göndərilib.
Müəlliflə əlaqə saxlamaq üçün elektron ünvan [email protected]
