Azərbaycan, Bakı, 17 noyabr/ Trend , müxbir A.Hüseynbala/ Azərbaycanın müxalif Klassik Xalq Cəbhəsi Partiyasının (KXCP) üç rayon təşkilatının fəaliyyəti dayandırılıb.
"Partiya Ali Məclisinin iclasında Hacıqabul, İmişli, Göygöl rayonlarındakı və Bakı Dövlət Universitetindəki şöbələrin buraxılması haqda qərar qəbul etmişik", - bazar ertəsi Trend -a KXCP Ali Məclisinin sədri Zəlimxan Məmmədli bildirib.
Trend -ın arayışı: 2006-cı ilin mart ayında Klassik Xalq Cəbhəsi Partiyasının təsis qurultayı keçirilib. Həmin vaxta qədər partiya Azərbaycan Xalq Cəbhəsi Partiyası adına iddia edirdi və "Klassiklər" AXCP-si kimi tanınırdı. Azərbaycanın eks-prezidenti, AXCP-nin sədri Əbülfəz Elçibəyin müavini olmuş Mirmahmud Mirəlioğlu 2000-ci ildə partiyanın iki yerə parçalanmasından sonra "Klassiklər" qanadına sədrlik edib. 2006-cı ildə partiyanın adında dəyişiklik edilərək KXCP adlandırılıb.
Onun sözlərinə görə, həmin rayon təşkilatları fəaliyyətsizliklərinə görə buraxılıb. Ali Məclisin iclasında fəaliyyəti dayandırılan rayon şöbələrinin yenidən bərpa olunması üçün Təşkilat Komitəsi yaradılıb.
Məqalə müəllifi ilə əlaqə ünvanı: [email protected]
