Azərbaycan, Bakı, 22 dekabr/ Trend , müxbir R.Novruzov/ Azərbaycan və Qazaxıstan Xəzərin statusu üzrə danışıqları davam etdirəcəklər.
Çərşənbə axşamı Astanada Xəzər dənizinin statusunun müəyyən edilməsi üzrə ikitərəfli danışıqlar keçiriləcək, - Azərbaycanın Qazaxıstandakı səfirliyindən Trend -a bildiriblər. Danışıqlar Azərbaycan və Qazaxıstanın xarici işlər naziri müavinləri Xələf Xələfov və Nurlan Yermekbayevin rəhbərliyi altında keçəcək.
Tərəflər dənizin hüquqi statusu üzrə saziş layihəsi üzərində işi davam etdirəcəklər.
Xəzərin dibinin bölünməsi məsələsində Azərbaycan, Rusiya və Qazaxıstan arasında məsələ üzrə həm ikitərəfli, həm də üçtərəfli razılaşmalar mövcuddur. Tərəflər orta ayırıcı xəttin koordinatlarının müəyyən edilməsi üzrə də vahid rəyə gəliblər. Hələ ki, Türkmənistan və İran orta ayırıcı xəttin koordinatlarının müəyyənləşdirilməsində razılığa gəlmirlər ki, bununla əlaqədar olaraq, çoxillik müzakirələrə baxmayaraq, Xəzərin statusu hələ də müəyyən edilməyib.
Müəlliflə əlaqə saxlamaq üçün elektron ünvan: [email protected]