İranlı yəhudilər İsrailin Qəzzə əleyhinə keçirdiyi hərbi əməliyyatları pisləyiblər.Tehran şəhər yəhudi təşkilatının sədri Rəhmətullah Rəfii bildirib ki, İran yəhudiləri İsrailin Qəzzə əhalisinə hücumunu məhkum edir. Bu barədə İran televiziyası məlumat yayıb.
İran yəhudiləri bu gün BMT-nin Tehrandakı ofisi qarşısında İsrailin Qəzzəyə hücumuna etiraz olaraq nümayiş keçiriblər.
Rəfii bildirib ki, heç bir din günahsız insanların öldürülməsini qəbul etmir.
"Zor tətbiq etməklə heç kəs öz məqsədinə çata bilməz , biz BMT-dən bu faciəyə son qoymaq üçün məsələyə müdaxilə etməsini tələb edirik",- deyə Rəfii bildirib.
Rəfii əlavə edib ki, İran yəhudiləri Qəzzə əhalisi və Fələstin xalqı ilə həmrəydirlər.