Azərbaycan, Bakı, 20 may / Trend , müxbir C.Babayeva /
Rumıniyada Buxarest Universitetinin professoru, tanınmış tarixçi alim Kopi Kuçukun rumın dilində "Heydər Əliyev zəmanəmizin Atatürkü" kitabı işıq üzü görüb.
Kitabda Türkiyə Cümhuriyyətinin qurucusu Mustafa Kamal Atatürk və Azərbaycanın ümummilli lideri Heydər Əliyevin oxşar taleyindən, dünya miqyaslı bu iki siyasi xadimin xalqlarının və ölkələrinin ən ağır, böhranlı dövründə hakimiyyətə gələrək, tənəzzülə uğrayan və dağılmaqda olan dövlətlərinin qorunub saxlanmasında, inkişaf edib möhkəmlənməsində göstərdikləri misilsiz fəaliyyətlərindən ətraflı söhbət açılır, çərşənbə günü Yeni Azərbaycan Partiyasının mətbuat xidmətinin yaydığı məlumatda bildirilib.
"Heydər Əliyev zəmanəmizin Atatürkü" kitabı Rumıniyada yaşayan Azərbaycan icmasının təşəbbüsü və Azərbaycanın Rumıniyadakı səfirliyinin dəstəyi ilə nəşr olunub.
Məqalə müəllifi ilə əlaqə ünvanı: [email protected]