Azərbaycan, Bаkı, 27 may / Trend , müxbir A.Hüseynbala /
Azərbaycanın müxalifət partiyası "Müsavat"da Məhəmməd Əmin Rəsulzadənin nəvəsi Rəis Rəsulzadə ilə görüş keçirilib.
"Azərbaycan Xalq Cümhuriyyətinin ildönümü ərəfəsində keçirilən görüşdə partiyanın başqanı İsa Qənbər Xalq Cümhuriyyətinin əhəmiyyətindən, onun yaradıcılarının xalqımız və ölkəmiz qarşısındakı müstəsna xidmətlərindən danışıb", - çərşənbə günü Trend -a Müsavat Partiyasının mətbuat xidmətindən bildirilib.
Partiya başqanı bütün müsəlman şərqində ilk demokratik cümhuriyyətin məhz Azərbaycanda yaradıldığını qeyd edib, mövcud olduğu iki il ərzində dövlət quruculuğu, ərazi bütövlüyü və azad vətəndaş cəmiyyətinin yaradılması istiqamətində görülən işləri yüksək qiymətləndirib. "Rəsulzadə cümhuriyyət dövrünün dəyərlər sisteminin, həmin cümhuriyyəti quran şəxsiyyətlərin daha geniş təbliğ olunmasının zərurətindən danışıb", - məlumatda vurğulanır.
Məqalə müəllifi ilə əlaqə ünvanı:[email protected]
