Azərbaycan, Bakı, 04 iyun / Trend , müx. C.Babayeva /
Azərbaycanda məscidlər dağıdılmır, sadəcə olaraq müəyyən şəxslərin qeyri-qanuni fəaliyyətinin qarşısı alınır, cümə axşamı Prezident Administrasiyasının İctimai-siyasi şöbə rəhbəri Əli Həsənov bildirib.
"Azərbaycanda müəyyən adamların kommersiya məqsədi ilə inşa etdikləri məscidlər normal fəaliyyət göstərə bilməzlər. Nizam-intizamın olması zəruridir. Mən bunu vətəndaşların dini hüquqlarının məhdudlaşdırılması kimi hesab etmirəm", - Həsənov bildirib.
Son iki-üç ayda Bakıda iki məscid sökülüb, bəzilərinin fəaliyyəti isə zəruri sənədlərin olmaması səbəbindən dayandırılıb.
Azərbaycanda Dini Qurumlarla İş üzrə Dövlət Komitəsinin məlumatlarına görə, ölkədə 1750 məscid mövcuddur və onlardan təxminən 1000-i fəaliyyət göstərir.
Məqalə müəllifi ilə əlaqə: [email protected]