Azərbaycan, Bakı, 11 mart / Trend , müxbir Y.Ostapenko/
Avropa Şurası Nazirlər Komitəsi çərşənbə günü digər ölkələrlə yanaşı, Azərbaycanın Avropa İnsan Hüquqları Məhkəməsinin qərarlarını yerinə yetirməsinə dair qərarını dərc edib. Bu barədə AŞ-nin rəsmi məlumatında bildirilir.
Azərbaycan, Ermənistan, Bosniya və Herseqovina, Gürcüstan, İtaliya, Moldova, Polşa, Portuqaliya, Rumıniya, Rusiya Federasiyası, Böyük Britaniya, Türkiyə və Ukrayna barəsində 25 iş və ya kateqoriya üzrə qəbul edilmiş qərarlar dərc olunub.
Nazirlər Komitəsi martın 4-də bu il Avropa Məhkəməsinin qərarlarının icrasına nəzarətə həsr olunmuş insan hüquqlarının müdafiəsi məsələləri üzrə ilk xüsusi iclasını başa vurub.