Azərbaycan, Bakı, 12 may /Trend, müxbir M.Əliyev/
ABŞ dövlət katibinin Avropa və Avrasiya məsələləri üzrə köməkçisinin müavini səfir Tina Kaydanaunun Azərbaycana səfəri başlayır.
ABŞ-ın Azərbaycandakı Səfirliyindən çərşənbə günü Trend-ə bildiriblər ki, mayın 12-də Bakıya birgünlük səfəri zamanı səfir Tina Kaydanau Azərbaycan hökumətinin yuxarı vəzifəli rəsmiləri və vətəndaş cəmiyyətinin nümayəndələri ilə görüşəcək.
Səfər zamanı səfir Kaydanau genişçeşidli qarşılıqlı maraqlar əsasında ABŞ-la Azərbaycan arasındakı əlaqələri müzakirə edəcək.
Səfir Kaydanau qeyd edib ki, Birləşmiş Ştatlar Azərbaycanı mühüm tərəfdaş hesab edir.
"Bizim maraqlarımız bir çox sahələrdə, o cümlədən, cənub dəhlizinin tərkibində olan qaz və neft layihələri ilə enerji təhlükəsizliyinin gücləndirilməsindən tutmuş, terrorizm və ekstremizmə qarşı mübarizədə birgə işimizə kimi üst-üstə düşür. Biz, Azərbaycanın Kosovodan tutmuş, İraq və Əfqanıstanda regional və qlobal təhlükəsizlik sahəsində göstərdiyi töhfələri yüksək qiymətləndiririk", - deyə o bildirib.
Səfir Kaydanau Azərbaycan və digər Qafqaz ölkələri arasında əlaqələrə birbaşa məsul olan Dövlət Departamentinin rəsmisidir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
