Gürcüstan, Tbilisi, 20 may /Trend, müxbir N.Kirsxaliya/
Gürcüstanın müdafiə nazirinin əmri ilə Gürcüstan Silahlı Qüvvələrinin Quru Qoşunlarının komandanı vəzifəsinə Gigi Kalandadze təyin olunub.
Müdafiə nazirliyi məlumat verir ki, 4-cü piyada briqadasının komandiri olan Gigi Kalandadze komandanın vəzifələrini yanvarın 27-dən icra edib.
Sabiq komandan Şmaqi Teliya Silahlı Qüvvələrdə qalmaqdadır.
Aprel ayında Gürcüstan Parlamenti qanunvericiliyə düzəliş edib. Bu düzəlişə əsasən ölkənin Hərbi Hava Qüvvələri Quru Qoşunlarının strukturuna daxil olub.