Gürcüstan, Tbilisi, 6 iyul /Trend, müxbir N.Kirsxaliya/
Gürcüstan diasporunun Azərbaycandakı vəziyyətini öyrənmək məqsədilə Gürcüstanda birgə hökumət və Parlament qrupu təsis edilir. Gürcüstanın yüksək qanunverici orqanından Trend-ə verilən məlumata əsasən, bu qərar Parlament Komitəsinin xaricdə yaşayan vətəndaşlarla bağlı iclasından sonra qəbul edilib.
Komitə dinləmələrində Azərbaycanda yaşayan gürcülərin problemlərinə Gürcüstan - Azərbaycan əlaqələri fonunda baxılıb.
Komitədən Trend-ə bildirilib ki, dinləmələr, "müzakirə olunan məsələnin spesifikliyi"
nəzərə alınaraq, bağlı aparılıb. Komitəyə Gürcüstan XİN-in Azərbaycandakı gürcülərin vəziyyəti ilə bağlı sənədi təqdim olunub.
Məsələnin müzakirəsində Parlament nümayəndələri ilə yanaşı, Gürcüstan hökumətinin nazirlik və idarə nümayəndələri də iştirak ediblər.