Gürcüstan, Tbilisi, 15 sentyabr /Trend, müxbir N.Kirsxaliya/
Bu gün Tbilisidə "Ambassador" mehmanxanasında II Erekli Cəmiyyətinin təşkilatçılığı və rusiyalı milyarder Aleksandr Ebralidzenin rəhbərlik etdiyi Gürcü Xalqının Ümumdünya Konqresinin Tbilisi filialının dəstəyi ilə "Orijinallıq və qloballaşma: çağırışlar və perspektivlər" adlı beynəlxalq "dəyirmi masa" keçiriləcək.
"Dəyirmi masa"nın məqsədi qloballaşma fonunda orijinallığın saxlanması, məlumat və təcrübə, həmçinin millət və dövlətlər üçün xarakterik olan adət-ənənələr, əsaslı dinlər, mədəni və sosial ayinlər və digər aspektlərin mübadiləsidir", - tədbir təşəbbüskarları bəyan ediblər.
"Dəyirmi masa"da Gürcüstan, Ermənistan və Rusiya Federasiyasından 30-a yaxın ekspert iştirak edəcək.