Azərbaycan, Bakı, 4 oktyabr /Trend, müxbir Т. Hacıyev/
Azərbaycanda Parlament seçkilərinə deputat mandatı uğrunda 125 dairə üzrə 1 378 nəfər namizədlik üçün müraciət edib. 1 331 nəfərə imza vərəqələri verilib. 550 nəfər imza vərəqələrini qaytarıb. Bu barədə bazar ertəsi Mərkəzi Seçki Komissiyasının iclasında komissiyanın sədri Məzahir Pənahov deyib.
"Bu günə 283 nəfərin namizədliyi qeydə alınıb", - Pənahov deyib.
Azərbaycanın Milli Məclisinə seçkilər 2010-cu il noyabrın 7-nə nəzərdə tutulub.
Ötən seçkilər 2005-ci ilin noyabrında keçirilmişdi. Azərbaycanda Parlament seçkiləri majoritar sistem üzrə 125 seçki dairəsində aparılır.