Azərbaycan, Bakı, 25 oktyabr /Trend, müxbir T.Hacıyev/
Azərbaycan Mərkəzi Seçki Komissiyasının (MSK) bazar ertəsi keçirilən iclasında "AXCP-Müsavat" blokundan 44 nəfər səlahiyyətli nümayəndə təsdiqlənib.
Trend-in məlumatına görə, iclasda MSK üzvləri 6 saylı Culfa-Babək dairə seçki komissiyasının tərkibinə dəyişiklik edib.
MSK katibi və üzvləri Natiq Məmmədov, Qabil Orucov, Validə Kazımova və Tofiq Həsənli daxil olan şikayətlər barədə məlumat veriblər.
2010-cu il noyabrın 7-nə təyin olunmuş Azərbaycan Milli Məclisinə seçkilərlə əlaqədar fərdi namizədlərdən, blok və partiyalardan namizədliyini irəli sürən şəxslərin müraciətlərinə də baxılaraq, müvafiq qərarlar qəbul olunub.