Azərbaycan, Bakı, 31 mart /Trend, müxbir M.Əliyev/
Demokratiya Uğrunda İttifaqın (DUİ) Sədrlər Şurasının cümə axşamı keçirilən toplantısında Azadlıq Partiyasının sədri Əhməd Oruc 1 il müddətinə İttifaqın sədri seçilib. Trend-in məlumatına görə, bu barədə DUİ-nin mətbuat xidmətinin məlumatında bildirilir.
Toplantıda qəbul olunan qərara görə, növbəti il üçün Milli Qurtuluş Partiyasının başqanı Vüqar Bəyturan DUİ-yə rəhbərlik edəcək.
Demokratiya Uğrunda İttifaq 2007-ci ildə təsis olunub. Quruma Azadlıq, Milli Qurtuluş və Azad Azərbaycan partiyaları daxildir.