Azərbaycan, Bakı, 4 iyul /Trend/
Azərbaycan xarici işlər nazirinin müavini Mahmud Məmməd-Quliyevin rəhbərlik etdiyi nümayəndə heyəti BMT-nin İqtisadi və Sosial Şurasının (ECOSOC) 2011-ci il üzrə növbəti sessiyasında iştirak edir. Trend-in məlumatına görə, bu barədə Xarici İşlər Nazirliyinin məlumatında bildirilir.
Cenevrədə bazar ertəsi başlayan sessiya çərçivəsində nümayəndə heyəti rəhbərinin müzakirələrdə çıxışı, həmçinin bir sıra ikitərəfli görüşlərin keçirilməsi nəzərdə tutulur.