Azərbaycan, Bakı, 15 oktyabr /Trend/
ABŞ dövlət katibinin birinci müavini Uilyam Börns oktyabrın 16-20-də Azərbaycan, Gürcüstan və Ermənistanda səfərdə olacaq. Bu barədə Trend-ə ABŞ-ın Azərbaycandakı səfirliyindən məlumat verilib.
Börnsün səfər çərçivəsində rəsmi şəxslər və vətəndaş cəmiyyətinin nümayəndələri ilə görüşəcək. Görüşlərdə regiondakı vəziyyət, sülh və sabitliyin təmin edilməsi, iqtisadi inkişaf və demokratik islahatlar əsas müzakirə mövzusu olacaq.