Azərbaycan, Bakı, 28 fevral /Trend, müxbirlər D.Xatınoğlu, E.Tariverdiyeva/
İran nüvə silahının yayılmaması haqqında müqaviləyə (NPT) əsasən Beynəlxalq Atom Enerjisi Agentliyinin (BAEA) suallarına cavab verməyə borclu deyil. Bu barədə çərşənbə axşamı Trend-ə İranın BAEA-dakı səfiri Əli Əsgər Sultaniyə bildirib.
"Buna rəğmən, İran və BAEA nüvə fəaliyyətimizlə bağlı bəzi şübhələri aradan qaldırmaq üçün danışıqların strukturu haqqında razılığa gələ bilərlər", - o qeyd edib.
Sultaniyənin sözlərinə görə, BAEA-nın Qərbin düşündüyü İranın nüvə proqramının şübhəli hərbi aspektləri məsələsi üzrə ölkəyə qarşı bir neçə sualı olub və Tehran bu şübhələri aradan qaldırmağa hazırdır.
"İranın BAEA-nın suallarına cavab vermək qərarına gəlməsi çox vacib addım idi. Halbuki bu, NPT iştirakçılarının hüquqi öhdəliklər dairəsinə daxil deyil. Biz hərbi obyektlərimizi BAEA-ya göstərmək baxımından heç bir hüquqi öhdəlik daşımırıq", - səfir vurğulayıb.
"Biz hər iki tərəfin öhdəliklərini müəyyənləşdirmək üçün öncə BAEA ilə razılığa gəlməliyik ki, BAEA Parçindəki hərbi-sənaye kompleksinə baş çəkməyi tələb edə bilsin", - Sultaniyə bildirib.