Necdet Ünüvar: Türkiyə ilə Azərbaycanın qarşılaşmadığı hər oyunda ürəkdən Azərbaycanı dəstəkləyirəm (FOTO)

Necdet Ünüvar: Türkiyə ilə Azərbaycanın qarşılaşmadığı hər oyunda ürəkdən Azərbaycanı dəstəkləyirəm (FOTO)

Azərbaycan, Bakı, 15 mart /Trend, müxbir K.Zərbalıyeva/

Azərbaycan Jurnalist Qadınlar Assosiasiyasının tərkibində fəaliyyət göstərən "Qadın jurnalistlər klubu"nun suallarını bu dəfə Türkiyə Böyük Millət Məclisinin Türkiyə-Azərbaycan parlamentlərarası dostluq qrupunun həmsədri Necdet Ünüvar cavablandırıb.

- Necdet bəy, Sizin haqqınızda internet-saytlarda oxumuşuq, amma Sizin dilinizdən eşitmək istərdik - Necdet Ünüvar kimdir? Özünüzü necə təqdim edərsiniz?

- Mən 6 iyun 1960-cı ildə Adana Ceyhanda anadan olmuşam. Mersində məktəbi, Ərzurumda isə universiteti bitirmişəm. İki ixtisasım var - biri daxili xəstəliklər, o biri endokronoloji. 2001-ci ildə Ərzurumda professor adını qazandım, 2002-ci ildə səhiyyə nazirinin müşaviri vəzifəsində işləməyə başladım. Beş il bu vəzifədə çalışdığım müddətdə səhiyyə sahəsində çox önəmli işlər gördük. 2007 və 2011-ci illərdə Adana millət vəkili seçildim və hazırda da bu işi davam etdirirəm. İxtisasıma görə səhiyyə, bundan başqa, qadın-uşaq siyasəti ilə çox yaxından maraqlanıram. Məclisdə siqarət, içki, narkotik asılılığı ilə bağlı yaradılan komissiyaların rəhbəri olmuşam. Bu barədə 700 səhifəlik raport da hazırlamışıq. Hazırda da ailə və sosial siyasət naziri Fatma Şahin həmin raportun üzərində çalışır. İndi də yeni komissiya yaradılır. Bu, daha çox gənclərə aid - internet asılılığı ilə bağlı komissiyadır. Eyni zamanda, beş aydır ki, Türkiyə-Azərbaycan parlamentlərarası dostluq qrupunun həmsədriyəm. Bu, mənim arzum idi. Çünki Azərbaycan Türkiyənin ürəyinin bir hissəsidir. Azərbaycanın Türkiyə üçün belə xüsusi önəmi var. Mən də istədim ki, bir millətin Cənubi Qafqazdakı parçası ilə münasibətləri koprdinasiya edən dostluq qrupunun rəhbəri olum. Beş ay müddətində həqiqətən həm Türkiyə, həm də Azərbaycan tərəfindən çox ciddi işlər gördük. Və hər atdığımız addımdan nəticə aldıq. Belə qənaətə gəldim ki, Türkiyə ilə Azərbaycan arasında daha yaxın dialoqlara ehtiyac var. Çünki siz danışmadığınız, diaoloq qurmadığınız zaman çox rahatlıqla yanlış başa düşülən ifadələr və sözlərin ortaya çıxmasına şərait yaradırsınız. Və bu da çox tezliklə iki dövlət arasında incikliyə gətirib çıxarır. Çünki biz dost və qardaşıq. Məsələn, sizə yad adam üzərinizə su atsa qırılmazsınız, amma qardaş gördüyünüz birisi təsadüfən, bilməyərəkdən suyu üzərinizə töksə, çox tez inciyə bilərsiniz. Türkiyə və Azərbaycan arasında da belə bir dialoq var. Amma mən iki hadisəni xüsusilə qeyd etməliyəm. Fransa Senatında "erməni soyqırımı"nın inkarına görə cəza nəzərdə tutan qanunun qəbul edilməsi ərəfəsində Azərbaycan həqiqətən Türkiyəyə çox önəmli dəstək verdi. Amma Azərbaycan bu dəstəyi verərkən bunun tək Türkiyənin deyil, özünün də problemi olduğunu ifadə etdi. Bir neçə həftələr öncə Xocalı soyqırımını anma mərasimi ilə bağlı Türkiyədə çox böyük aktivlik nümayiş etdirdik. Orada biz Xocalıdakı hadisəni sadəcə Azərbaycanın problemi kimi görmədik. Türkiyədə hər kəs Xocalını öz problemi kimi gördü. Xocalıda öldürülən, qətlə yetirilən insanlar tək Azərbaycanın deyil, Türkiyənin də şəhidləridir. Dolayısı ilə biz birlikdə hərəkət etdiyimiz zaman həqiqətən çox vacib nəticələr əldə edə biləcəyimizi gördüm.

Beş aylıq təcrübəm bunu deyir ki, Türkiyə ilə Azərbaycan arasındakı münasibətlər, gediş-gəlişlər, danışıqlar tez-tez olmalıdır. Baxın, bir ay içində iki hadisə oldu. Biri, Türkiyənin Baş naziri Rəcəb Tayyib Ərdoğanın verdiyi bəyanat son dərəcə önəmli idi. Hər bir ifadəsi dostluğumuzu, qardaşlığımızı möhkəmləndirməyə xidmət edirdi. Azərbaycan Prezidenti cənab İlham Əliyevin TRT-yə verdiyi müsahibə də eyni dərəcədə önəmli idi. Hər ikisində də ortaya çıxan nəticə budur ki, Türkiyə və Azərbaycan bir-birindən ayrılmaz iki parçadır. Yəni ətlə dırnaq kimidir. Bu mesajı bizim hər birimizin anlaması və qəbul etməsi lazımdır. Beləcə, Azərbaycandan Türkiyəyə, yaxud Türkiyədən Azərbaycana gediş-gəlişlər artacaq, aramızdakı siyasi, ticari, iqtisadi, sosial, səhiyyə sahəsindəki dialoqlar, münasibətlər genişləndikcə həmişə bir-birimizdən istifadə edəcəyik. Hər iki ölkənin bir-birindən öyrənəcəyi çox önəmli təcrübələr var. Biz qayğıda və fəxrdə, kədərdə və sevincdə bərabərik.

- Sizcə, türklər arasında "hamımız xocalılıyıq" deyənlər çoxdur, yoxsa, "hamımız erməniyik" deyənlər?

- Məncə, bunu qarışdırmaq lazım deyil. Taksim meydanındakı yürüşdə 50 mindən çox insan iştirak edirdi. Onlar türkə yaraşan şəkildə, alicənablıqla əllərində Türkiyə və Azərbaycan bayraqları ilə, sloqlanlarla Xocalıda şəhid olan şəhidlərimizi andılar. Bu, əslində bütün dünyaya verilən önəmli bir mesaj idi. Bundan başqa, qeyd edim ki, Türkiyədə 70 mindən çox məscid var. 24 fevral tarixində bütün məscidlərdə xütbələrdə Xocalı anıldı - "Azərbaycanın Dağlıq Qarabağ bölgəsinin Xocalı qəsəbəsində 26 fevral 1992-ci il tarixində şəhid olan qardaşlarımıza Allahdan rəhmət diləyirik" deyildi. Mənə bir çox insanlar Xocalı hadisələrinin yeni olduğu barədə suallar verdilər. Bilirsiniz, insanlar həyatlarında bir acını yaşar, əsl acını yaşayan insanlar bunu heç unutmazlar, amma acını uzaqda hiss edənlər, eşidənlər unuda bilər və bir qisminin də heç xəbəri olmaya bilər. Əgər Türkiyədə sorğu aparılsa, əhalinin 90 faizi "Azərbaycan Türkiyənin qədim dostudur, qardaşıdır" fikrini dəstəkləyər. "Amma Xocalı nədir" sualına verilən cavab o qədər faiz göstəricisi toplamaya bilər. Çünki bir çoxu bunun fərqində deyil. Bir daha təkrar edirəm, məscidlərdəki xütbələrdən sonra hamı soruşurdu - "Xocalı yeni mi oldu?", "Bəs, biz niyə bu vaxta qədər bilməmişik?". Ona görə bilməyiblər ki, biz insanların aldığı məlumat qaynaqlarına bu vaxta qədər xitab etməmişik. Bəzi insanlar televizordan, bəziləri yazılı mətbuatdan, bəziləri internetdən, bəziləri radiodan, bəziləri də cümə namazına gedən insanlar kimi xütbədən məlumat alırlar. Dolayısı ilə biz bu il bəlkə də o çatışmazlığı düzəldə bildik. Nəzərə alsaq ki, Türkiyədə cümə namazı qılan insanların faiz göstəricisi 70-80 faiz təşkil edir, demək, bu ciddi rəqəmdir. Bundan başqa, bəzi insanlar Xocalı haqqında məlumatı toplantı və simpoziumlarla öyrəndi. Bəzi bələdiyyələrdə parklar açdılar. Türkiyə Böyük Millət Məclisində, Xarici İşlər Nazirliyində Xocalı ilə bağlı sərgi təşkil olundu. Taksimdən başqa bir çox yerlərdə yürüşlər həyata keçirildi. Ankara metrosunda sərgi açıldı. Həmin şəhərdə olan əksər insanlar bu vasitə ilə məlumatlandı. Bütün gördüyümüz işlər cəmiyyətə Xocalı faciəsi haqqında məlumat verməyə xidmət edirdi. Niyə bu günə qədər olmadı? Oldu, amma ola bilər, az oldu. Lakin bundan sonra daha geniş həcmdə olacaq. Ona görə də hesab edirəm ki, bu müqayisəni aparmaq doğru deyil.

- Necdet bəy, zaman-zaman Türkiyə ilə Azərbaycan arasındakı dostluq əlaqələrini pozmağa çalışan qüvvələr peyda olur. Bu zaman daha incə mətləblərdən istifadə etməyə başlayırlar. "Türkiyə Xocalı soyqırımını niyə tanımadı?", "Azərbaycan PPK-nı niyə terrorçu təşkilat kimi tanımadı?" və s. bu səpkili nüanslar qabardılır. Biz necə etməliyik ki, bu bölgədə qardaşlıq münasibətlərini pozmağa cəhd edənlərin planları boşa çıxsın?

- Mən beş aydır ki, Türkiyə-Azərbaycan parlamentlərarası dostluq qrupunun həmsədriyəm. Məndən öncəki qrupun üzvləri də çox gözəl işlər görmüşdülər. Qrup rəhbəri kimi ilk dəfə yanvarın 18-də Bakıya gəldim. Burada Prezident İlham Əliyev, Azərbaycanın xarici işlər naziri Elmar Məmmədyarov, Milli Məclisin sədri Oqtay Əsədovla, Diasporla İş üzrə Dövlət Komitəsinin sədri Nazim İbrahimovla, Şeyxülislam Allahşükür Paşazadə ilə və media nümayəndələri ilə görüşdük. Türkiyənin Azərbaycandakı səfiri Hulusi Kılıç elə gözəl proqram qurmuşdu ki, hər kəslə tanışmaq imkanımız oldu və Fransadakı qanunu müzakirə etmək adına vacib addımlar atdıq. Bu addımları aramızdakı dostluğu, qardaşlığı daha da sıx bağlarla bir-birinə bağlamaq üçün atırıq. Amma, əlbəttə, ölkələrimizin arasını vurmağa çalışan fitnəkarlar da az deyil. Baxın, hətta elə gözəl təşkil olunmuş Taksim meydanındakı yürüşdə belə, bir insanın əlində tutduğu bir plakat səhəri gün bəzi qəzetlərin baş səhifələrində yer aldı. O plakatdakı şüarı dəstəkləmirəm və məncə, bu, türkün alicənablığına yaraşan şüar deyil. Türk heç bir millətə küfr etməz. Amma bəzi media qurumları onu baş səhifə edib yalnış fikir oyatdılar. Halbuki, bir plakat... Bizim bunlara qarşı çox diqqətli yanaşmamız lazımdır. Aramızdakı dostluğu, qardaşlığı belə kiçik məsələlərlə zədələməməliyik.

Əlbəttə, hər bir ölkənin özünə görə həssas olduğu nöqtələr var və buna da çox hörmətlə yanaşmaq lazımdır. Ona görə də ölkələrarası münasibətlər bir çox faktorlara bağlıdır. İki il əvvəl Türkiyə Birləşmiş Millətlər Təşkilatının Təhlükəsizlik Şurasının qeyri-daimi üzvü idi, indi isə Azərbaycan bu mövqedədir. Mən Azərbaycan adına çox sevinirəm. Əgər bir azərbaycanlı dünya çempionatında mübarizə aparırsa, sanki mənim idmançım kimi onu dəstəkləyirəm. Bir sözlə, Türkiyə ilə Azərbaycanın qarşılaşmadığı hər oyunda mən ürəkdən Azərbaycanı dəstəkləyirəm. Azərbaycanın da ürəkdən Türkiyəni dəstəklədiyini bilirəm. "Eurovision 2011" mahnı müsabiqəsində Azərbaycanın qalibiyyəti elan olunan zaman iştirakçıların əlindəki Türkiyə bayrağı ilə Azərbaycan bir daha hamımızın ürəyini fəth etdi. Ona görə aradakı kiçik anlaşılmazlıqları da qardaşlıq çərçivəsində həll etməliyik. Dostluq və qardaşlığımızın da gərəyi budur.

- Türkiyə-İsrail münasibətlərinin gərgin olduğu dönəmdə, sizcə, Azərbaycan bu sferada vasitəçi rolunu oynaya bilərmi?

- Bununla bağlı ümumi cümlələrdən istifadə edəcəyəm. Türkiyə və Azərbaycanın üçüncü bir ölkə ilə münasibətlərində kimin əlaqələri daha yaxşıdırsa, o birinin daha dəstək olması lazımdır. Bu mövzu daha çox xarici siyasətçilərin işidir. Mən sadəcə Azərbaycan ilə Türkiyə arasında çox qədim zamanlardan bəri var olan və hər gün artan münasibətlərin daha uğurlu olmasına çalışıram. Əlbəttə ki, Azərbaycanın öz siyasi iradəsi və problemləri ilə əlaqədar olaraq, bəzi ölkələrlə fərqli münasibətləri var. Bu söz Türkiyə üçün də keçərlidir. Bildiyim budur ki, beynəlxalq platformalarda Türkiyə və Azərbaycan hər zaman bir- birilərini dəstəkləyirlər.

- Belə bir deyim var: "Türk yatıb, düşmənləri isə oyaqdı. Vay o gündən ki, türk oyana". 20 ildir ki, Xocalı ilə bağlı müxtəlif tədbirlər keçiririk. Amma bu il çox möhtəşəm şəkildə tədbirlər təşkil olundu. Həm İstanbulda, həm də Bakıda baş tutan yürüşlər dünyaya, ermənilərə ciddi mesaj idi. Artıq demək olarmı ki, türk oyanıb və bundan sonra öz sözünü deyəcək? Bundan sonra necə edək ki, erməniləri tamamilə susduraq və məqsədimizə çataq?

- Ermənilər bütün dünyaya çatdırmaq istəyirlər ki, 1915-ci ildə onlar soyqırıma məruz qalıblar. Amma tarixi sənədləri araşdırdıqda, tarixçilərə müraciət etdikdə belə bir soyqırım faktının olmadığını görürük. 1915-ci ildə Anadolu torpaqlarında qarşılıqlı mübarizə olub, hər iki tərəfdən ölənlər olub, amma bu, soyqırım deyil. Onlar bir milyon erməninin qətlə yetirildiyini iddia edirlər. Rəqəmlər isə 150 min insanın itkin düşdüyünü deyir. Onların bir qismi başqa ölkələrə getmiş, bəziləri yer dəyişdirmiş - sənədlər bunu deyir. Baş nazirimiz dedi ki, bütün dünyanın qarşısında sənədlərin araşdırılmasını istəyirik. Amma ermənilər sənədlərin araşdırılmasını istəmirlər, əvəzində fərqli ölkələrin parlamentlərində qərarların qəbul edilməsinə çalışırlar. Tarixçilərin deməli olduğu nəticəni siyasətçilər çıxardırlar. Bu anlamda bizim beynəlxalq platformada çox ciddi iş görməyimiz vacibdir. Biz öz tariximizi danışacaq sənədli, bədii filmlər çəkməli, kitablar yazmalıyıq. Ermənilər 1915-ci ildə baş vermiş yalançı soyqırım faktını dünyaya çatdırmaq üçün 1970-ci ildə kitab nəşr etdilər. Kitabdakı bir rəsmi həmin iddia etdikləri soyqırım şəkli kimi qələmə verməyə çalışdılar. Amma 1980-1990-cı illərdə Rusiyada araşdırma aparan türkiyəli mütəxəssis belə qənaətə gəlir ki, həmin şəkil 1878-ci ildə Rus-Osmanlı döyüşünə aid bir rusun çəkdiyi tablo imiş. Biz isə dünyada erməni tarixçilərin təsiri altına düşən insanlar üçün sənədli filmlər çəkməyə çalışmalıyıq. Bu mövzuya marağı olan insanların iki dili (ingilis və rus) bilməsi çox vacibdir. Bu mövzunu iki dildə kitabxanalarda araşdıracaqlar və əldə etdikləri məlumatları ona uyğun şəkildə istifadə edəcəklər. Eyni zamanda, bu məsələlərdə sosial mediada da aktiv olmaq və ondan yararlı məqsədlər üçün istifadə etməliyik. Məsələn, mənim də çox aktiv istifadə etdiyim "Twitter" hesabım var. Orada tez -tez öz fikirlərimi, qənaətlərimi bəzən ciddi, bəzən də ironik şəkildə bölüşürəm. "Twitter"də yazdığınız bir fikri dünyanın istənilən ölkəsində səni təqib edən insanlar görür. Məncə, artıq biz bu istiqamətdə yeni metodlardan istifadə etməliyik. Media dediyiniz qələm və kameradan ibarət deyil, o həm də fərqli sosial şəbəkələr, saytlar, bloqlardır. Bizim fərqli peşələrdən, fərqli işlər görən adamlardan ibarət bir platforma qurmağımız lazımdır.

- İndi isə gəlin, siyasi mövzulardan uzaq suallara keçək. Necdet bəy, ailə üzvlərinizi tanımaq istərdik..

- 27 ildir evliyəm. Amma bu gün - mart ayının 15-də 28-ci ilə qədəm qoyuram. Üç övladım var. Oğlum III kursda oxuyur və bu gün ad günüdür. Böyük qızım Ankara Böyük Şəhər Bələdiyyəsində işləyir. Kiçik qızım isə liseyin III kursunda oxuyur. Yoldaşım isə evdar xanımdır.

- Türkiyədə çox məşhur olan qəhvə falına inanırsınızmı?

- Həyatımı fala bağlamıram. Həm də qəhvə içməyi çox sevmirəm, bəlkə də ondandır.

- Azərbaycanda olduğunuz müddətdə yəqin ki, bizim mətbəximizlə tanış olmaq imkanınız oldu. Bəyəndinizmi?

- Azərbaycan mətbəxində göyərtiləri çox sevdim. Yeyəndə onların təbii dadını hiss etmək olur. Ona görə də salatların dadları xüsusilə gözəl olur. Burada bir çox meyvənin, tərəvəzin təbii-ekoloji təmiz olduğu diqqətimdən qaçmadı. Bundan başqa turşularınız, ət yeməkləriniz çox ləzzətlidir. Xüsusilə, onu qeyd edim ki, Azərbaycanda ət yağsızdır və bu, çox yaxşı haldır. Bir də dəniz balığı çox dadlıdır. Gözəl yeməkləriniz çoxdur, amma mən kökəlməmək üçün az yeməyə üstünlük verirəm.

- İdman edirsinizmi?

- İdman etməyi çox istəyirəm. Təəssüf ki, mütəmadi edə bilmirəm. Evə gec gəlirəm və çox yorğun oluram, ona görə də fikirləşirəm ki, səhər qalxıb idman edə bilmərəm. Halbuki, bu hər kəsin istəyindən və özü üçün qurduğu proqramdan asılıdır. Mən o proqramı edə bilmədiyim üçün az yeməyə çalışıram. Xüsusilə, hamıya məsləhətim budur ki, çörəyi, duzu, şəkəri azaltsın. Yeməniz gərəkən qədər yeyin və beləcə sağlam olacaqsınız.

Mənim bir dostum var. Həmişə formadadır. Ondan soruşurlar ki, buna necə nail olmusan? Deyir ki, cox xoşuma gələnin yarısını alıram. O yarısının da yarısını yeyirəm.

- Bizi bilirik ki, bir neçə saatdan sonra təyyarəniz havaya qalxacaq, məhdud zaman çərçivəsində olsa da bizi qırmadınız, təklifimizi qəbul edib bizimlə görüşə gəldiniz, fikirlərinizi bizimlə paylaşdınız, buna görə də Sizə sonsuz təşəkkürlərimizi bildiririk. Jurnalistlərimiz çox əhəmiyyətli, dəyərli fikirlərinizi aldılar. Eyni zamanda, qadınlar ən çox diqqət verdiyi pəhriz məsələsində də Sizdən həkim məsləhəti ala bildilər.

Azərbaycanın azad edilmiş ərazilərində "ağıllı" layihələr üçün strateji planlar hazırlanır
Azərbaycanın azad edilmiş ərazilərində "ağıllı" layihələr üçün strateji planlar hazırlanır
Azad edilən ərazilərin turizm potensialı müzakirə olunur - Aparat rəhbəri
Azad edilən ərazilərin turizm potensialı müzakirə olunur - Aparat rəhbəri
Qış turizmi üzrə xidmətlərdən istifadə edənlərin sayı artıb
Qış turizmi üzrə xidmətlərdən istifadə edənlərin sayı artıb
Loading Bars
Xəbər lenti
Xocalı soyqırımı qurbanlarının qisası alındı - Deputat
“Xocalı soyqırımını unutmayaq” müsabiqəsininin qalibləri müəyyən edilib (FOTO)
Bəşəriyyətə qarşı bu cinayəti unutmadıq, unutmayacağıq - Mövlud Çavuşoğlu
Azərbaycan ilk dəfə Xocalı faciəsini qalib ölkə kimi anır - ADA Universitetinin rektoru
Prezident İlham Əliyevin mətbuat konfransı keçirilir - CANLI
Regionda yeni reallıq yaransa da, Ermənistanın düşmənçilik ritorikası davam edir - Nazir
Bakının əsas prospektlərinin birində qəza olub
Dünya dövlətləri Ermənistanın minaların xəritəsini gizlətməsinə səssiz qalmamalıdır - XİN rəhbəri
Prezident İlham Əliyev və birinci xanım Mehriban Əliyeva Xocalı soyqırımı abidəsini ziyarət ediblər (VİDEO)
44 günlük müharibədə də Ermənistan tərəfdən eyni terror taktikasının şahidi olduq - Ceyhun Bayramov
Baş Prokurorluq Xocalı soyqırımının ildönümü ilə bağlı videoçarx hazırlayıb
Biz Xocalı soyqırımının günahsız qurbanları üçün ədalət tələb edirik - Hikmət Hacıyev
Gənclər təşkilatları Xocalı soyqırımı ilə bağlı beynəlxalq təşkilatlara bəyanat ünvanlayıb
Prezident İlham Əliyevin rəsmi "Facebook" səhifəsində Xocalı faciəsinin ildönümü ilə bağlı paylaşım edilib (FOTO)
Xocalı faciəsini törədənlər ədalət məhkəməsi qarşısında cavab verəcəklər - Naqif Həmzəyev
Vətən müharibəsi memorial kompleksi və Zəfər muzeyinin ilk eksponatları (FOTO)
Fevralın 26-da xarici valyutaların manata qarşı məzənnələri
XİN Xocalı soyqırımının ildönümü ilə əlaqədar bəyanat yayıb
Birinci vitse-prezident Mehriban Əliyeva: Xocalı soyqırımı kimi faciələr unudula bilməz (FOTO)
Xocalı dəhşətləri anbaan: Şahidlər ilk dəfə olaraq hadisə yerlərində danışır - Trend TV-nin reportajı
Beynəlxaq məhkəmə Xocalı soyqırımını tanımalıdır - Politoloq
Cəlilabad rayonunda 4 otaqlı ev yanıb
Meksika və Peru paytaxtlarının mərkəzi küçələrində “Xocalıya ədalət” çağırışı (FOTO/VİDEO)
Xocalı soyqırımı tarixdə ən amansız qətliam kimi qalacaq - Sevil Mikayılova
Xocalı qətliamı ABŞ-ın Yuta Universitetində müzakirə olundu
Yaponiyada fövqəladə vəziyyət rejimi paytaxt bölgəsi xaricində hər yerdə vaxtından əvvəl ləğv ediləcək
ÜST: Dünyada ötən sutka koronavirusa 421 mindən çox yoluxma qeydə alınıb
Almaniyada Xocalı soyqırımının növbəti ildönümünə həsr olunmuş ənənəvi simpozium keçirilib (FOTO)
Türkiyədə son sutkada koronavirusdan 6 210 nəfər sağalıb
Varşavadakı Azərbaycan Evində Xocalıya həsr olunmuş sərgi təşkil edilib ( FOTO)
ABŞ-ın 5 ştatında "Xocalıya ədalət!" tələbi ilə məlumatlandırma aksiyası təşkil edilib (FOTO)
Azərbaycan və Böyük Britaniya parlament dostluq qruplarının görüşündə Xocalı soyqırımı qurbanlarının xatirəsi anılıb
Xocalı soyqırımı qurbanlarının Bolqarıstanda yad edilməsinə çağırış edilib
"Arsenal" Avropa Liqasının 1/8 finalına çıxıb
XX əsrin faciəsi: Xocalı soyqırımından 29 il ötür
Mançester və Brayton şəhərlərində "Xocalıya ədalət!" tələbi ilə lövhələr yerləşdirilib (FOTO)
Mingəçevir Dövlət Universitetində Xocalı soyqırımının iyirmi doqquzuncu ildönümünə həsr olunmuş tədbir keçirilib (FOTO)
Qarabağ hazırda "Böyük Qayıdış" bölgəsidir, hərbiçilərimiz isə daim dövlətin diqqət mərkəzindədir - Arzu Nağıyev
Ottava şəhərindəki "Qarabağ” Azərbaycan dili məktəbində Xocalı soyqırımından danışılıb
Niderlandda “Xocalıya ədalət!” tələbinin əks olunduğu poçt markaları buraxılıb
Xocalı soyqırımı qurbanlarının əziz xatirəsi Polşada anılıb (FOTO)
Erik Rondolat: Azərbaycan Prezidenti bir lider olaraq vəziyyətdən düzgün çıxış yolunu tapa bildi
Britaniya hakimiyyəti ölkədə koronavirus üzrə təhlükə dərəcəsini aşağı endirib
Böyük Britaniya Nümayəndələr Palatasının veb-saytında Xocalı soyqırımı ilə bağlı bəyanat yerləşdirilib
İtalyan jurnalist: Xocalı faciəsinin səbəbkarları cəzalandırılmalıdır
Göygöldə tikili yanıb
AZAL Bakıdan Kiyevə xüsusi reyslərin icrasına başlayır
Vladimir Putin ilə Nikol Paşinyan arasında telefon danışığı olub
Prezident İlham Əliyev: Bizim müvafiq strukturlarımızla beynəlxalq şirkətlər arasında əməkdaşlıq üçün böyük imkan olacaq
Azərbaycan Prezidenti: Biz hər bir şəhərin yenidən qurulması üçün baş plan hazırlayırıq
Prezident İlham Əliyev: Azərbaycan şəhərlərinin müasirləşdirilməsi prosesi davam edir
İşğadan azad edilmiş ərazilərdə yetişdiriləcək əsas kənd təsərrüfatı məhsulları bunlar olacaq
Mediada yeni düşüncə, yeni layihə və yeni baxış prizmasına ehtiyac var - Bəhruz Quliyev
Könüllülər Xocalı soyqırımına həsr olunmuş tədbir keçirdi
Qeyri-formal məşğulluğun fəsadları: İnsanlar bu hüquqlarından məhrum olurlar
Peşə təhsili üzrə “Dərs vaxtı”nın fevralın 26-na olan cədvəli
Həmsədrlər Azərbaycanın azad edilmiş ərazilərinin bərpasına dəstək göstərməlidir - Azay Quliyev
Ceyhun Bayramov İsrailin səfiri ilə görüşüb (FOTO)
ASAN könüllülərindən minlərlə uşağı əhatə edən növbəti layihə (FOTO)
Paşinyanın bəyanatı növbəti dəfə Rusiyanın nüfüzuna endirilən xain və sarsıdıcı bir zərbə oldu - Hərbi ekspert
ATƏT-in hazırkı sədri Azərbaycana səfər etmək niyyətindədir
Ağdamdakı dağıntılar rusiyalı jurnalistləri dəhşətə gətirdi - Trend TV-nin REPORTAJI
“Dərs vaxtı”nda cədvələ uyğun mövzular təqdim olunub
Energetika Nazirliyində kollegiya iclası keçirilib
Azərbaycan İlahiyyat İnstitutunda Xocalı soyqırımı anılıb (FOTO)
Xocalı: Tarixə Qayıdış adlı Anım tədbiri (FOTO)
Bakıda Pakistan hərbi nümayəndə heyəti ilə görüş keçirilib
İordaniya-Azərbaycan dostluq rəmzini bildirən dairədə Xocalı soyqırımı anılıb (FOTO)
“Dostluq” yatağına dair İşçi Qrup yaradıldı - SƏRƏNCAM
Boston şəhər meri 26 fevral tarixini Xocalı soyqırımının anım günü elan edib
"Xocalı: Soyqırımın xroniikası" kitabı Ukrayna dilində təqdim edilib (FOTO)
Həmvətənlərimiz Finlandiya parlamentinə müraciət edib
ATƏT Azərbaycanın azad edilmiş ərazilərində vasitəçilik missiyalarını təşkil etməyə hazırdır
Polis zabitləri Paşinyanın istefası tələbinə qoşuldu
Xocalı soyqırımı qurbanlarının ruhu dünyanı haqqın səsinə səs verməyə çağırır - Vüqar Rəhimzadə
Yelo bankdan hamıya 14.9% ilə nağd kredit
MDU-da “Tədris prosesində innovasiya və sahibkarlıq yanaşmaları” mövzusunda təlim keçirilib (FOTO)
Şaxtadan qorunmaq üçün qurulan çadırlara 200-ə yaxın vətəndaş üz tutub - Trend TV
Prezident İlham Əliyev "Signify" şirkətinin baş icraçı direktorunu və şirkətin rəhbərliyinin digər nümayəndələrini videoformatda qəbul edib (FOTO) (YENİLƏNİB)
Paşinyanın bəyanatı Rusiyanın hərb sənayesinə zərbə vurmaq niyyətini güdür - Siyasi şərhçi
Həftə sonu bu ərazilərdə yenidən yarmarkalar keçiriləcək
Bakı və Sumqayıtda temperatur yüksəlib - FAKTİKİ HAVA
Azərbaycanın avtomobil yollarındakı SON VƏZİYYƏT
Azərbaycanda 126 nəfər COVID-19-a yoluxub, 142 nəfər sağalıb, 3 nəfər vəfat edib
Prezident İlham Əliyev: Ermənistan heç vaxt bu cür acınacaqlı vəziyyətdə olmayıb
UNEC-də Xocalı soyqırımının 29-cu ildönümünə həsr olunan beynəlxalq tədbir keçirilib (FOTO)
Azərbaycana gələn türkiyəli mütəxəssislər 520 nəfərə yardım edib
Böyükşor və Zığ gölləri ilə bağlı fərman və sərəncamda dəyişiklik edildi
Ağcabədi sakinindən 10 kiloqram narkotik götürüldü
Əfv Məsələləri Komissiyasının növbəti iclasının vaxtı məlum olub
Prezident İlham Əliyev: Hər zaman şəhid ailələrinin üzvləri və müharibə əlillərinin yanında olacağam
Prezident İlham Əliyev: Bizdə olan məlumata görə, təqribən 6-7 min işğalçı məhv edilibdir
Azərbaycan Prezidenti: Müharibənin son gününə qədər Ermənistana gündə bir neçə təyyarə pulsuz silah gətirilirdi
Sabah bu marşrutların hərəkət xətti dəyişdiriləcək
Prezident İlham Əliyev: Göstərdik ki, müzəffər xalq Azərbaycan xalqıdır
Azərbaycan Prezidenti: Xocalı qurbanlarının da qanı İkinci Qarabağ müharibəsində alındı
Azərbaycan Prezidenti: Əgər kimsə revanşist fikirlərlə yaşayırsa, bax, bu yumruğu görəcək
Prezident İlham Əliyev: Həmin o “İskəndər” raketlərini Ermənistan pulla alıb? Pulsuz alıb
Prezident İlham Əliyev: Biz bütün bu illər ərzində müharibəyə hazırlaşırdıq, bunu heç gizlətmirdik
Azərbaycan Prezidenti: AXC-Müsavat cütlüyünün dövründə Şuşanın, Laçının, Kəlbəcərin düşmənə verilməsi böyük xəyanət idi
Bütün xəbərlər