Azərbaycan, Bakı, 4 aprel /Trend, müxbir M.Əliyev/
Milli Məclisin aprelin 6-da keçiriləcək iclasında Avstraliyanın paytaxtı Kanberra şəhərində Azərbaycan səfirliyinin təsis olunması müzakirəyə çıxarılacaq.
Bu barədə Trend-ə çərşənbə günü Milli Məclisin mətbuat xidmətindən bildiriblər.
İclasda, həmçininn Hesablama Palatasının hesabatı dinləniləcək.
İclasın gündəliyinə daxil edilən digər 6 məsələ İsa Nəcəfovun Azərbaycan Konstitusiya Məhkəməsinin hakimi vəzifəsinə təyin edilməsi, Serbiya Respubikasında avtomobil magistralının tikintisi ilə bağlı kredit sazişinin təsdiq edilməsi, "Yol hərəkəti haqqında" qanunvericiliyə dəyişiklik edilməsi, Mülki Məcəlləyə dəyişikliklər edilməsi, İnzibati Xətalar Məcəlləsinə dəyişiklik edilməsi və "Mədəniyyət haqqında" qanun layihəsidir.