Azərbaycan, Bakı, 11 aprel /Trend, müxbir E.Mehdiyev/
Avropa İttifaqı (Aİ) "Cənub dəhlizi"nin mümkün qədər tez bir zamanda açılmasını istəyir.
"Biz dəhlizin tikilməsində hər hansı bir gecikmənin olmasını istəmirik", - Trend-in məlumatına görə, bunu çərşənbə günü jurnalistlərə Avropa İttifaqının (Aİ) Azərbaycandakı nümayəndəliyinin rəhbəri Ronald Kobia deyib.
Onun sözlərinə görə, bu məsələdə Aİ və Azərbaycan bir-birini çox gözəl anlayır, çünki hər iki tərəf qaz sahəsinə əməkdaşlığı mümkün qədər çox genişləndirmək istəyir.
"Hər iki tərəf ən iddialı və strateji dəhlizə malik olmaq niyyətindədir", - Kobia deyib.