Azərbaycan, Bakı, 20 mart / Trend, müxbir A.Tağıyeva /
Azərbaycanın xarici işlər naziri Elmar Məmmədyarov və türkiyəli həmkarı Əhməd Davudoğlu Brüsseldə ISAF iclası çərçivəsində keçirilən görüş zamanı Dağlıq Qarabağ münaqişəsini müzakirə ediblər. Trend-in məlumatına görə, bu barədə Türkiyənin "Posta" qəzeti yazır.
"Görüşdə biz regiondakı vəziyyəti və Dağlıq Qarabağ münaqişəsini müzakirə etdik. Biz bir çox məsələlərdə ümumi baxışlara malikik. Görüş uğurlu keçdi", - Davudoğlu türkiyəli jurnalistlərə deyib.