Azərbaycan, Bakı, 21 iyun /Trend/
Azərbaycan Prezidenti İlham Əliyev "Azərbaycan Respublikasının keçmiş Prezidentinin və onun ailə üzvlərinin təminatı haqqında" Konstitusiya Qanununun tətbiqini təmin etmək məqsədilə fərman imzalayıb.
Fərmanda qeyd olunub ki, Nazirlər Kabineti Konstitusiya Qanununun 10.2.2-ci maddəsində nəzərdə tutulmuş təmsilçilik xərclərinin istifadəsinə dair illik hesabat formasının nümunəsini üç ay müddətində təsdiq etsin və bu barədə Azərbaycan Prezidentinə məlumat versin.
Fərmanla müəyyən edilib ki, "Azərbaycan Respublikasının keçmiş Prezidentinin və onun ailə üzvlərinin təminatı haqqında" Konstitusiya Qanununun 10.1.1-ci maddəsində göstərilən şəxslər və 10.1.2-ci maddəsində nəzərdə tutulan nəqliyyat vasitəsi Xüsusi Dövlət Mühafizə Xidməti tərəfindən ayrılır. Həmin qanunun 10.2.2-ci maddəsində "müvafiq icra hakimiyyəti orqanı" dedikdə Maliyyə Nazirliyi nəzərdə tutulur.
Fərmanda digər normativ hüquqi aktların Konstitusiya qanununa uyğunlaşdırılması barədə Nazirlər Kabinetinə, mərkəzi icra hakimiyyəti orqanlarına müvafiq tapşırıqlar verilib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
