Azərbaycan, Bakı, 16 iyul /Trend, müxbir S.Ağayeva/
Gürcüstanın Baş naziri İvane Merabişvili Azərbaycanda səfərdədir.
Bu Merabişvilinin Baş nazir kimi Azərbaycana ilk işgüzar səfəridir. Bu barədə bazar ertəsi Trend-ə səfirlikdən məlumat verilib.
Gürcüstanın Baş naziri səfəri zamanı Prezident İlham Əliyev və Baş nazirin birinci müavini Yaqub Eyyubovla görüşməyi planlaşdırır.
Səfər zamanı iki ölkə arasında əməkdaşlığın perspektivləri müzakirə olunacaq.