Azərbaycan, Bakı, 29 avqust /Trend, müxbir E.Mehdiyev/
Avropa Parlamenti üzvlərindən ibarət nümayəndə heyəti avqustun 30-dan sentyabrın 3-dək Azərbaycanda səfərdə olacaqlar.
Milli Məclisdən Trend-ə daxil olan məlumata görə, qonaqlar avqustun 31-də Baş Nazirin müavini və Azərbaycan Respublikası Qaçqın və Məcburi Köçkünlərlə İş üzrə Dövlət Komitəsinin sədri Əli Həsənovla, Azərbaycan Respublikasının Sənaye və Energetika nazirinin müavini Gülməmməd Cavadovla, ARDNŞ-in vitse-prezidenti Elşad Nəsirovla, Azərbaycan xarici işlər nazirinin müavini Mahmud Məmmədquliyevlə görüşəcəklər.
Nümayəndə heyəti Azərbaycanın Avronest PA-da nümayəndə heyəti ilə də görüşəcəkdir.
Qonaqlar sentyabrın 1-də helikopterlə Ağdamda məcburi köçkün qəsəbəsinə, daha sonra isə Şamaxıya səfər edərək regionla yaxından tanış olacaqlar.
Avropa Parlamentinin 16 nəfərlik nümayəndə heyəti Azərbaycana səfər edəcək
Avropa Parlamenti üzvlərindən ibarət nümayəndə heyəti avqustun 30-dan sentyabrın 3-dək Azərbaycanda səfərdə olacaqlar