Azərbaycan, Bakı, 24 oktyabr /Trend, müxbir İ.İsabalayeva/
Azərbaycan və Türkiyə tarixçiləri ermənilər tərəfindən türklərə və azərbaycanlılara qarşı törədilmiş soyqırımları birgə araşdıracaqlar. Bunu Trend-ə Azərbaycan Milli Elmlər Akademiyasının Tarix İnstitutunun direktoru Yaqub Mahmudov deyib.
Onun sözlərinə görə, Türkiyədə də bununla bağlı komissiya yaradılır.
Mahmudov məsələ ilə bağlı bu günlərdə Türkiyəyə səfərinin gözlənildiyini bildirib. O deyib ki, Türkiyə və Azərbaycan tarixçiləri birləşərək həm Anadoluda, həm Azərbaycanda soyqırımların tarixini birlikdə araşdıracaqlar.
Alim araşdırmaların nəticələrinin sonda Azərbaycan və türk xalqına, o cümlədən bütün dünyaya təqdim ediləcəyini qeyd edib.