Azərbaycan, Bakı, 29 oktyabr /Trend, müxbir A.Tağıyeva/
1923-cü il oktyabırn 29-da cümhuriyyət elan edilməsindən bəri Türkiyə uzun inkişaf yolu keçib və böyük dövlətə çevrilib. Bunu Türkiyə Prezidenti Abdulla Gül Cümhuriyyətin elan edilməsinin 89-cu ildönümü münasibətilə keçirilən təntənəli mərasimdə bildirib. Trend-in məlumatına görə, bu barədə TRT Haber telekanalı xəbər verib.
Gül qeyd edib ki, türkiyə öz uğurlarından qürur duyur və gələcəkdə demokratiyanı, iqtisadiyyatı inkişaf etdirmək, xalqın güzəranını və ölkənin beynəlxalq arenada siyasi gücünü yüksəltmək fikrindədir. Prezident qeyd edib ki, Türkiyə qarşısında duran bütün problemləri həll edəcək və onların ölkənin inkişafına mane olmasına yol verməyəcək.
Bu gün Türkiyədə Cümhuriyyətin elan edilməsinin 89-cu ildönümü qeyd edilir.