İrlandiya, Dublin, 6 dekabr /Trend, xüsusi müxbir E.Hüseynov/
BMT çərçivəsində "GUAM məkanında həlli yubanan münaqişələr və onların beynəlxalq sülh, təhlükəsizlik və inkişaf üçün nəticələri" adlı qətnamə layihəsi müzakirə olunacaq. Trend-in məlumatına görə, bu barədə cümə axşamı jurnalistlərə GUAM-ın baş katibi Valeri Çeçelaşvili bildirib.
Qətnamə layihəsi bu günlərdə Kiyevdə GUAM Milli Əlaqələndiriciləri Şurasının (MƏŞ) 26-cı iclasında təsdiq edilib.
"GUAM milli əlaqələndiricilərinin görüşündə biz qətnamənin yekun layihəsini təsdiqlədik. İndi bizim Nyu-Yorkdakı nümayəndələrimizin BMT Baş Assambleyasındakı tərəfdaşlarımız arasında bu qətnaməyə maksimum dəstək cəlb etmək üçün onların bu mətn üzrə tərəfdaşlarımızla işləmək imkanı var", - Çeçelaşvili deyib.
Onun sözlərinə görə, qətnamə layihəsinin rəsmi sənəd kimi BMT çərçivəsində müzakirəyə çıxarılacağı və ya tərəfdaş ölkələrin nümayəndə heyətləri arasında razılaşdırılıb-razılaşdırılmayacağını hələlik bilmir.
Çeçelaşvili əmindir ki, sənəd bu gün Baş Assambleyanın müzakirəsinə çıxarılarsa, ona baxılacaq.
"Amma bizə lazımdır ki, o [qətnamə] bizim buna inandırdığımız əsas tərəfdaşlarımızın dəstəyi ilə keçsin. Bu, mürəkkəb işdir, amma bu iş GUAM-ın sədri olan ölkə kimi Azərbaycan tərəfinin sədrliyi ilə aparılır. Və bu iş GUAM-ın növbəti sədri tərəfindən də davam etdiriləcək", - Çeçelaşvili bildirib.
Onun sözlərinə görə, həmçinin milli əlaqələndiricilər Kiyevdə tezliklə BMT Baş Assambleyasına təqdim edilməli olan BMT-nin "BMT və GUAM arasında Əməkdaşlıq" qətnamə layihəsini hazırlayıblar.