Azərbaycan, Bakı, 11 yanvar /Trend, müxbir A.Bədəlova/
İran BMT yanında daimi nümayəndəsi Məhəmməd Xəzai KİV-də İranın ABŞ-ın maliyyə institutlarına kiber-hücumlarda əli olması barədə yayılan məlumatları qəti şəkildə təkzib edib. Bu barədə Trend cümə günü IRNA-ya istinadən məlumat verir.
İranın BMT yanında daimi nümayəndəsinin ofisindən ABŞ-ın "CNN TV" xəbər kanalı və "New York Times Daily" qəzetinə göndərilən cavab məktubunda Xəzai qeyd edib ki, bu cür iddialar əsassızdır.
Xəzai məktubunda hər hansı ölkəyə qarşı kiber-hücumları pisləyib.