Azərbaycan, Bakı, 30 sentyabr /Trend, müxbir A.Tağıyeva/
Türkiyə Hərbi Hava Qüvvələrinin (HHQ) qırıcıları Suriyaya məxsus hərbi vertolyotun ölkənin hava məkanına daxil olmaq cəhdinin qarşısını alıb.
Trend "Sabah" qəzetinə istinadən məlumat verir ki, Suriya HHQ-yə məxsus vertolyotun Türkiyənin hava sərhədləri istiqamətində hərəkət etməsi barədə məlumat daxil olan kimi Türkiyə HHQ-nin iki qırıcı təyyarəsi Mardin əyalətində yerləşən bazadan havaya qalxıb.