...

Prezident İlham Əliyev ilə Yunanıstanın Baş nazirinin təkbətək görüşü olub (FOTO)

Siyasət Materials 19 Sentyabr 2014 22:37 (UTC +04:00)
Sentyabrın 19-da Azərbaycan Respublikasının Prezidenti İlham Əliyev ilə Yunanıstan Respublikasının Baş naziri Antonis Samarasın təkbətək görüşü olub.
Prezident İlham Əliyev ilə Yunanıstanın Baş nazirinin təkbətək görüşü olub (FOTO)

Azərbaycan, Bakı, 19 sentyabr /Trend/

Sentyabrın 19-da Azərbaycan Respublikasının Prezidenti İlham Əliyev ilə Yunanıstan Respublikasının Baş naziri Antonis Samarasın təkbətək görüşü olub.

Görüşdə ölkələrimiz arasında əlaqələrin uğurla inkişaf etdiyi bildirildi, "Cənub" qaz dəhlizinin reallaşmasının əhəmiyyəti vurğulandı. Qeyd edildi ki, Azərbaycan ilə Yunanıstan arasında əməkdaşlıq əlaqələrinin böyük perspektivi var.

Söhbət zamanı ikitərəfli münasibətlər, beynəlxalq və qarşılıqlı maraq doğuran digər məsələlər barədə fikir mübadiləsi aparıldı.

Təkbətək görüş başa çatdıqdan sonra Azərbaycan Respublikasının Prezidenti İlham Əliyev ilə Yunanıstan Respublikasının Baş naziri Antonis Samarasın nümayəndə heyətlərinin iştirakı ilə geniş tərkibdə görüşü olub.

Görüşdə ikitərəfli münasibətlərin inkişafından məmnunluq ifadə edildi. Enerji sahəsində əməkdaşlıq məsələləri müzakirə olundu, "Cənub" qaz dəhlizinin həyata keçirilməsi ilə bağlı fikir mübadiləsi aparıldı.

Məqalədə:
Xəbər lenti

Xəbər lenti