Azərbaycan, Bakı, 11 noyabr /Trend, müxbir Elmir Murad/
Dövlət Sərhəd Xidmətinin rəisi, Sərhəd Qoşunlarının Komandanı general-polkovnik Elçin Quliyevin başçılıq etdiyi nümayəndə heyəti Qazaxıstana səfər edib.
Dövlət Sərhəd Xidmətinin Mətbuat mərkəzindən Trend-ə verilən məlumata görə, səfərdə məqsəd MDB Sərhəd Qoşunları Komandanları Şurasının (SQKŞ) Astana şəhərində keçiriləcək 74-cü iclasında müşahidəçi qismində iştirak etməkdir.
Tədbir çərçivəsində Azərbaycan nümayəndə heyəti ilə bir sıra sərhəd qurumlarının nümayəndə heyətləri arasında ikitərəfli görüşlərin keçirilməsi nəzərdə tutulub.
Səfər noyabrın 12-dək davam edəcək.