Bakı. Trend:
Xarici işlər naziri Elmar Məmmədyarov Moldovanın Azərbaycana yeni təyin olunmuş səfiri George Leukanı qəbul edib.
XİN-in mətbuat xidmətindən Trend-ə verilən məlumata görə, görüşdə G.Leuka etimadnaməsinin surətini E.Məmmədyarova təqdim edib.
Səfir diplomatik fəaliyyəti müddətində Azərbaycanla Moldova arasında əlaqələrin daha da inkişafı üçün səylərini əsirgəməyəcəyini bildirib.
E.Məmmədyarov G.Leukaya diplomatik fəaliyyətində uğurlar arzulayıb.