...

NATO nümayəndə heyəti Azərbaycanın hərbi hissələrində olub (FOTO)

Siyasət Materials 9 Mart 2016 17:47 (UTC +04:00)
NATO nümayəndə heyəti hərbi hissələrdə olub.
NATO nümayəndə heyəti Azərbaycanın hərbi hissələrində olub (FOTO)

Bakı. Trend:

Ölkəmizdə rəsmi səfərdə olan NATO-nun Müttəfiq Transformasiya Komandanının müavini general Mirko Zuliani rəhbərlik etdiyi nümayəndə heyəti ilə birlikdə martın 9-da Hərbi Dəniz Qüvvələrinin bazasında olub.

Müdafiə Nazirliyinin mətbuat xidmətindən Trend-ə verilən məlumata görə, qonaqlar Hərbi Dəniz Qüvvələrinin rəhbərliyi tərəfindən qarşılanaraq ərazi ilə tanış olublar. NATO nümayəndə heyətinə hərbi-dəniz bazasının yaranma tarixi, strukturu, fəaliyyəti, hərbi gəmilərin təyinatı və digər məsələlərə dair ətraflı məlumat verilib.

Sonra general M.Zulianinin rəhbərlik etdiyi nümayəndə heyəti Azərbaycan Silahlı Qüvvələrinin sülhməramlı taborunda olub. Burada onlara şəxsi heyətin müxtəlif ölkələrdəki beynəlxalq missiyalarda icra etdikiləri tapşırıqlar, təminat və təchizatı, bölmələrin hazırlıq sistemi, o cümlədən sülhməramlı taborun fəaliyyəti barədə məlumat çatdırılıb.

Məqalədə:
Xəbər lenti

Xəbər lenti