Bakı. Səba Ağayeva - Trend:
GUAM BMT Baş Assambleyasının 71-ci sessiyasında "GUAM məkanında dondurulmuş münaqişələr, onların sülh, beynəlxalq təhlükəsizlik və inkişaf üçün nəticələri" və "Azərbaycanın işğal edilmiş ərazilərində vəziyyət" qətnamə layihələrinin qəbul edilməsinə ümid edir.
Bunu Trend-ə GUAM-ın baş katibi Altay Əfəndiyev deyib.
Onun sözlərinə görə, Azərbaycan GUAM-da sədrliyi dövründə qətnamə layihələrinin mətnlərinin razılaşdırılması üçün səylər göstərib, hazırda isə beynəlxalq dəstəyin səfərbər edilməsi məqsədilə digər ölkələrin missiyaları ilə iş aparılır: "Həmin sessiyada qətnamələrin qəbul edilməsi şansı olduqca realdır".
BMT Baş Assambleyasının 71-ci sessiyası sentyabrın 13-26-da baş tutacaq.