...

Avropa İttifaqı Azərbaycanı əsas ticarət tərəfdaşı kimi tanıyır

Siyasət Materials 21 Dekabr 2018 17:01 (UTC +04:00)
Avropa İttifaqı Azərbaycanı əsas ticarət tərəfdaşı kimi tanıyır.
Avropa İttifaqı Azərbaycanı əsas ticarət tərəfdaşı kimi tanıyır

Bakı. İlhamə İsabalayeva - Trend:

Avropa İttifaqı (Aİ) Azərbaycanı əsas ticarət tərəfdaşı kimi tanıyır.

Trend-in məlumatına görə, bunu Aİ-nin Azərbaycandakı nümayəndəliyinin rəhbəri Kestutis Yankauskas Azərbaycan Milli Elmlər Akademiyasının prezidenti, akademik Akif Əlizadə ilə görüşündə deyib.

Aİ rəsmisi təşkilatın əməkdaşlığının yalnız iqtisadi sahələrlə məhdudlaşmadığını, humanitar, təhsil, mədəniyyət və digər mühüm istiqamətləri də əhatə etdiyini bildirib. K.Yankauskas sözügedən sahələrin inkişafında Avropa təcrübəsinin və yeni texnologiyaların tətbiqinə xüsusi önəm verildiyini diqqətə çatdırıb.

Diplomat həmçinin Azərbaycanda universitetlərlə birgə həyata keçirilən layihələr çərçivəsində ali təhsil üzrə müxtəlif təlimlər keçirildiyini, ali təhsil ocaqlarından tələbələrin təhsil almaq üçün Avropanın nüfuzlu universitetlərinə göndərildiyini vurğulayıb.

K.Yankauskas ölkədə innovasiya mühitinin təkmilləşdirilməsi məqsədilə startapları və böyük innovasiyayönümlü layihələri dəstəkləməyə təşkilatın maraqlı olduğunu bildirib. O, “Yüksək Texnologiyalar Park” ilə də yaxından tanış olmaq istədiyini bildirib.

Məqalədə:
Xəbər lenti

Xəbər lenti