.jpg)
Bakı. Ləman Zeynalova - Trend:
Azərbaycan həqiqətən də İsrailə dost ölkədir. Ölkələr arasındakı dostluq münasibətləri İsraildə hər kəs tərəfindən alqışlanır. Bu il martn 2-də İsraildə parlament seçkiləri keçiriləcək və mən əminəm ki, nəticələrdən asılı olmayaraq münasibətlər çiçəklənməkdə davam edəcək, çünki bu strateji xarakter daşıyır.
Trend-in məlumatına görə, bunu İsrailin Azərbaycandakı səfiri Corc Dik mətbuat konfransında deyib.
Səfir xatırladıb ki, 2019-cu il dekabrın 25-də öz etimadnaməsini Azərbaycan Prezidenti İlham Əliyevə təqdim edib:
“Həmin gün mən İsrailə dost olan ölkədə vəzifələrimin icrasına başladım. Azərbaycan müxtəlif millət və dinlərin sülh və təhlükəsizlik şəraitində yaşadığı ölkədir. Bu dövlətin əsasında tolerantlıq və qarşılıqlı hörmət dayanır. Qeyri-sabit regionda Azərbaycan və İsrail sülh, sabitlik və təhlükəsizliyin dayağıdır”.
Səfir əlavə edib ki, İsrail Azərbaycanın nasizmlə mübarizəyə töhfəsini yüksək qiymətləndirir.