Bakı. Trend:
Türkiyənin milli müdafiə naziri Hulusi Akar ilə ukraynalı həmkarı Aleksey Reznikov arasında telefon danışığı baş tutub.
Trend nazirliyə istinadla xəbər verir ki, H.Akar söhbət əsnasında Ukraynada tezliklə atəşkəsin vacibliyini vurğulayıb.
Həmsöhbətlər Ukrayna limanlarında gözləyən türk ticarət gəmilərinin, həmçinin Kiyev hava limanında qalan Türkiyə Hərbi Hava Qüvvələrinə məxsus iki A400M hərbi-nəqliyyat təyyarəsinin salamat geri qayıtması mövzülarına toxunublar.
Türkiyəli nazir vurğulayıb ki, Ankara humanitar yüklərin Ukraynaya çatdırılması üçün səylərini davam etdirməyə hazırdır.