Bakı. Trend:
Prezident İlham Əliyevin Mərkəzi Asiya Dövlət Başçılarının 5-ci Məşvərət görüşündə iştirakı Mərkəzi Asiya ölkələrinin Azərbaycanla əməkdaşlığının yüksək səviyyədə olduğunun sübutudur.
Trend cümə axşamı xəbər verir ki, bunu Özbəkistan Prezidenti Şavkat Mirziyoyev Mərkəzi Asiya Dövlət Başçılarının 5-ci Məşvərət görüşündə çıxışında deyib.
"Azərbaycan Respublikasının Prezidenti İlham Əliyevi görməyə şadam. Sizin iştirakınız region ölkələrinin Azərbaycanla əməkdaşlığının dərin tarixi bağlarının və hazırki yüksək səviyyəsinin daha bir sübutudur", - o deyib.
Qeyd edək ki, Azərbaycan Prezidenti İlham Əliyev bu gün Tacikistana səfər edib. Dövlətimizin başçısı hazırda Mərkəzi Asiya Dövlət Başçılarının 5-ci Məşvərət görüşündə fəxri qonaq qismində iştirak edir.
(Tərcümə: Rəna Əbdürəhmanova)