Bakı. Trend:
ABŞ-nin aparıcı 30 şirkətinin bu tarixi səfəri ABŞ–Azərbaycan münasibətlərində mühüm mərhələ və Cənubi Qafqazda davamlı sülh və rifah naminə Prezident Trampın baxışının həyata keçirilməsinə doğru atılmış növbəti addımdır.
Trend xəbər verir ki, bu sözləri ABŞ-nin Azərbaycandakı səfirliyinin müvəqqəti işlər vəkili Emi Karlon Amerika şirkətlərinin Azərbaycana ilk biznes missiyası çərçivəsində bildirib.
“Bu gün vitse-prezident Vens və Prezident İlham Əliyev ABŞ ilə Azərbaycan arasında Strateji Tərəfdaşlıq Xartiyasını imzaladılar. Bu nümayəndə heyətinə daxil olan şirkətlərlə əməkdaşlıq çərçivəsində strateji tərəfdaşlığımız hər iki ölkə üçün faydalı olan yeni sahələrdə əməkdaşlığı inkişaf etdirəcək”, - o qeyd edib.