"Müxalifət meydanlarda yalnız şəxsi maraqlarını gündəmə gətirdiyindən onların yanvar ayında planlaşdırdığı mitinqlərində iştirak etməyəcəyik". Bu barədə Trend ə Azərbaycan Xalq Cümhuriyyəti Partiyasının (AXCP) sədri Hürrü Əliyev bildirib.
H.Əliyev bildirib ki, meydanlarda yalnız milli maraqlardan çıxış edilməlidir: "Təəssüflər olsun ki, müxalifət milli maraqları arxa plana keçirib". Partiya sədri 2006-cı il mayın 13-də keçiriləcək təkrar seçkilərdə iştirak edəcəklərini də bildirib. Qeyd edib ki, Qurban bayramından sonra partiyanın namizədləri müəyyənləşdiriləcək.
AXCP sədrinin özü isə namizədliyini 31 saylı Suraxanı ikinci seçki dairəsindən verəcəyini bildirib.