...

Qarlı-küləkli hava Naxçıvan Muxtar Respublikasında elektrik naqillərini qırıb

Siyasət Materials 25 Yanvar 2006 17:53 (UTC +04:00)

Son günlər respublikamızın bütün rayonlarında olduğu kimi, Naxçıvan Muxtar Respublikasında da (NMR) soyuq hava şəraiti özünü göstərir. Hər tərəf ağ don geyib. Son göstəricilər belədir: Ordubad rayonunda yağan qar ucqar kəndlərdə 30-35 sm, rayonun özündə 25-30 sm, Şahbuz rayonunda 20 sm, ucqar kəndlərdə 25-30 sm., Şərurun kəndlərində 40-45 sm, rayonun özündə 35-40 sm, həmçinin küləkli hava olduğundan Şərurun 3 kəndində elektrik naqillərini qırılıb. Amma küləkli havadan sonra naqillər bərpa olunub və elektrik enerjisinin verilməsi davam edir. Kəngərli rayonunun kəndlərində 12-15 sm, rayonun özündə 5-6 sm, Cülfa rayonunda və bütün kəndlərdə son günlər qar yağmayıb. Naxçıvan şəhərində isə, yağan qar 10-15 sm olub. Hava limanından alınan məlumata görə, təyyarələrin uçuşunda heç bir problem olmayıb. Yağan qar təsərrüfata ziyan vurmayıb. Avtomobil yolları isə davamlı təmizlənir. Bu gün günün ikinci yarısından isə günəşin istisi Naxçıvan şəhərində artıq qarı əridir.

Xəbər lenti

Xəbər lenti