Keyfiyyətli məhsulların satışa çıxarılmasının qarşısının alınmasında Naxçıvan Muxtar Respublikası (NMR) standartlaşdırma, metrologiya və patent üzrə Dövlət agentliyinin öz yeri var. Bu qurumun sosial-iqtisadi inkişafa təsiri yetərincə olubmu.
Daxili bazarda Dövlət nəzarəti günün tələbləri səviyyəsində aparılıbmı. Agentlikdə keçirilən kollegiya iclasında baş direktor Malik Rzayevin 2005-ci ildə görülən işlər barədə hesabat məruzəsi dinlənilib.
Ötən ildə daxili bazarda keyfiyyfətin idarə olunması, istehlakçıların hüquq və mənafelərinin qorunması məqsədilə mövcüd müəssisələrdə standartlara, meteroloji qayda və normaya riayət olunması araşdırılıb. Satışa çıxarılan məhsullardan nümunələr götürülərək ekspertizası aparılıb. 26 yanacaq doldurma məntəqəsində neft və neft məhsullarının keyfiyyət göstəriciləri standartlarının tələblərini ödədiyi və satış üçün lazımi şəraitin olduğu müəyyən olub. 67 müəssisədə istehsal olunan 120 adda məhsulun etiketlərin layihələrinin normativ texniki sənədlərə uyğun olaraq ekspertizası aparılıb, satışı tarazlaşdırılıb. Dövlət nəzarəti zamanı 228 ədəd ölçmə vasitəsi müqayisəli yoxlamadan keçirilib. İstehsal və ticarət obyektlərinin 126 -da isə 504 ədəd müasir tipli elektron və əqrəbli tərəzi quraşdırılıb.
Ümumiyyətlə keçən il Muxtar Respublikada 1335 müxtəlif təsərrüfat subyektində 10 589 ədəd ölçmə vasitəsi mübahisəli yoxlamadan keçirilib.Yerli istehsal məhsullarının çeşidi və həcmi artıb. Ötən il 559 adda məhsul sertifikatı verilib ki, onun da 313 ədədi yerli istehsal məhsulları olub. Verilən sertifikatların sayı isə əvvəlki ildəkindən 2,3 dəfə çox olub. Patent hüquqlarının pozulmasının qarşısının alınması məqsədilə görülən tədbirlər zamanı 16 təsərrüfat subyektində özgənin əmtəə nişanında istifadə edilməsi faktı aşkar edilib. İclasda yol verilən nöqsanlar da təhlil olunub. Sahibkarlarla əlaqələr, hüquqi maarifləndirmə işi demək olar ki yox dərəcəsindədir.
Xaricdən gətirilən və yerli istesal məhsullarının ekspertizası lazımınca aparılmayıb. Təsərrüfat subyektlərində hələ də saxta etiketlərdən istifadə olunması hallarına rast gəlinib, eləcə də sertifikatsız məhsullar istehsalı və ya idxal edilməsinin də qarşısı tam alınmayıb. Laboratoriyada analizlərin aparılması akreditasiya hallarına nəzarət zəifdir.
Bunun nəticəsidir ki, agentliyin sınaq laboratoriyalarının akreditasiya şöbəsi xüsusi vəsaitə daxilolmaları 1514,9 min manat kəsirlə yerinə yetirilib. Kollegiya iclasında NMR Ali məclis aparatının baş məsləhətçisi Hicran Muradov çıxış edib, qarşıda düran işlərdən danışıb.
...
