Azərbaycan prezidenti İlham Əliyev iyunun 18-də Bakıda ATƏT-in baş katibi Mark Perren de Brişambonu qəbul edib.
O, dövlət başçısını İslam Konfransı Təşkilatının (İKT) 33-cü sessiyasının Bakıda keçirilməsi münasibətilə təbrik edib və əlavə edib ki, bu, Azərbaycanın beynəlxalq proseslərdə yaxından iştirak etdiyini göstərir.
İ.Əliyev deyib ki, sessiyanın Bakıda keçirilməsi və ölkənin İKT-də sədirlik etməsi Azərbaycan üçün beynəlxalq və regional əməkdaşlıq baxımından önəmlidir. Dövlət başçısı həmçinin ölkənin müxtəlif beynəlxalq təşkilatlarla sıx əməkdaşlıq etdiyini və Azərbaycanın çoxvektorlu xarici siyasətinin əhəmiyyətini vurğulayıb.