Ötən ay Gəncədə qaz pullarının yığımı dəiyşməsə də, qaz sərfi azalıb. Bu barədə məlumatı Trendin Qərb bürosuna Gəncə şəhər Qaz İstismarı İdarəsinin rəisi Ramiz İsmayılov verib. Onun sözlərinə görə, sentyabr ayında şəhərdə istifadə olunan qazın pullarının yığımı 50,1 % təşkil edib. Laikn qaz sərfi ötən aya nisbətən təxminən 500 min kub metr az olub.
R. İsmayılovun sözlərinə görə, bu günə kimi Gəncədə 26 440 abunəçi sayğacla təmin olunub. Şəhərdə hər ay 10 000 abunəçinin mənzilində sayğac quraşdırılıması planlaşdırılır. Belə davam edərsə, ilin sonunua kimi sayğaclaşdırma Gəncədə tam sona çatacaq. Rəis qeyd etdi ki, son iki ayda qaz pullarını tam ödəməyən abunəçilərin sayı 21 782-yə çatıb, ilin əvvələində isə bu rəqəm 12 778 olub.
