Azərbaycan höküməti noyabrın 23-də Türkiyədə keçiriləcək Ümumdünya iqtisadiyyat forumunda təmsil olunacaq. Azərbaycanın Nazirlər Kabinetindən Trend ə verilən xəbərə görə, forumda höküməti baş nazirin birinci müavini Yaqub Eyyubovun başçılıq etdiyi nümayəndə heyəti təmsil edəcək.
Forumda iştirak çərçivəsində Azərbaycan nümayəndə heyətinin başçısı Türkiyənin rəsmi şəxsləri və forumun iştirakçı-ölkələri ilə bir sıra görüşlər keçirəcək.
Tərəflər ölkələr arasında ikitərəfli tərəfdaşlıq münasibətləri, eləcə də enerji əməkdaşlığı ilə bağlı məsələləri müzakirə edəcəklər.